Пријатели и свесни луѓе, ве покануваме на ПРОТЕСТФЕСТ: ДОШНИЦА!
Храбри луѓе од цела Македонија веќе повеќе од 40 дена ја бранат реката Дошница и Кожуф планина, со жив ѕид, секој ден.
Овој викенд да се приклучиме сите во заштитата на Дошница, со креативност, музика, работилници, дискусии и дружење.
Ги собравме нашите омилени музичари, артисти, креативци, активисти и пријатели, да застанеме заедно и да го заштитиме она што нѐ врзува сите, без исклучок - ПРИРОДАТА!
Македонија не е хидроцентрали, не е бетон и згради, не е приватна фирма која секој може да ја уништува. Македонија е мајката природа, реките, езерата, планините, изворите. Македонија се свесните луѓе кои знаат што значи да се зачува недопрената природа.
На 9-ти и 10-ти август (сабота и недела), на Смрдлива Вода (Гевгелија), гласно го креваме својот глас против изградбата на две мали хидроцентрали на реката Дошница и загрозувањето на водата за пиење на Демир Капија, Гевгелија, Кавадарци, Неготино и Росоман, уништувањето на македонската автохтона пчела, животинскиот и растителен речен свет и исконската шума на Кожуф.
Ова не е само обичен протест. Ова е одбрана на честа, духот и човечноста за која нашите деца и внуци ќе ни бидат благодарни.
Се гледаме на ПРОТЕСТФЕСТ! ✊
==========================
ПРОГРАМА 9-ТИ АВГУСТ (САБОТА):
12:00 - ОТВОРАЊЕ:
Прием на гости и запознавање
Отворен Базар (цел ден)
DJ Барикада
14:00 - РАБОТИЛНИЦИ И ДИСКУСИИ:
Отворен разговор: Што е Зелена Народна Стража?
Отворена дискусија со Илина Арсова: Значењето на водите
Работилница за деца и родители со Виолета Наумовска: Активно родителство и компас за растење и развој на децата / Творечка читална: Читаме и разговараме за природата како наш заеднички дом
Отворена дискусија: Влијанието на малите хидроцентрали врз екосистемот
Работилница за изработка на стар накит со КОМБО (здружение за креативна одржливост)
19:00 - МУЗИКА СО:
THE MOLE PACK
МОЈРА
МЕДАРСКИ
KUNGFOOLISH
==========================
ПРОГРАМА 10-ТИ АВГУСТ (НЕДЕЛА):
10:00 - Во недела одиме на блокада!
11:00 - Читање поезија
12:00 - Отворен разговор: Зошто блокираме?
18:00 - Jam session во планинарскиот дом
20:00 - Проекција на кратки филмови
🔜 Наскоро ќе ја објавиме и целосната програма…
==========================
📍ЛОКАЦИЈА: Смрдлива Вода, Гевгелија (паркот до планинарскиот дом) 👉
https://maps.app.goo.gl/CnYC8NUN7nFvBnXJ7
⛺ИЗВЕСТУВАЊЕ ЗА СМЕСТУВАЊЕ И КАМПУВАЊЕ: Планинарскиот дом има капацитет за сместување на 22 луѓе, како и сместување на 30 шатори во рамките на кампот и уште 40 шатори во паркот. Сите кампери да си донесат опрема за кампување. Камперите може да резервираат место со претходна најава на нашиот Facebook или Instagram профил.
ℹ️ Во рамките на паркот и кампот не се продаваат пијалаци и храна, секој си носи тоа што му треба
ℹ️ Настанот е организиран доброволно од волонтери, граѓани и учесници
📷 Фотографија: Гоце Тасевски
==========================
ЗОШТО МАЛИТЕ ХИДРОЦЕНТРАЛИ СЕ ЕДЕН ОД НАЈГОЛЕМИТЕ КРИМИНАЛИ?
🚨 Произведуваат незначително малку струја, а убиваат цел екосистем: реката се зафаќа високо во планината, низ цевка се спушта многу пониско до централата и реката пресушува
🚨 Државата им дава на инвеститорите загарантирана откупна цена на произведената струја за 20 години (ниту еден друг извор на енергија нема загарантирата откупна цена!)
🚨 Граѓаните плаќаат ДУПЛО: Без разлика на реалната моментална цена на струјата, поради загарантираната откупна цена ние плаќаме повисоки сметки за струја, а бидејќи овие хидроцентрали се субвенционирани, ние ги плаќаме субвенциите преку даноците
🚨 Лесно и брзо се даваат кредити под маската на „зелена“ и „обновлива“ енергија
🚨 Не се спроведуваат целосни студии од стручни лица, инвеститорите сами си изготвуваат елаборат кој никој не го проверува детално
🚨 Малите хидроцентрали се обврзани со закон да обезбедат биолошки минимум за проток на реката, меѓутоа тоа никогаш не е случај
🚨 Обичниот народ дознава за овие проекти кога багерите и машинеријата веќе ќе ги узурпираат реките и шумите, сите молчат пред да се случат
==========================
Повеќе извори:
Интервју со проф. д-р Светислав Крстиќ:
https://mkd.mk/makedonija/ekspertite-baraat-zashtita-na-doshnica-i-iten-moratorium-na-izgradba-na-mali-hidrocentrali/
https://meta.mk/celosno-blokiran-patot-kon-kozhuv-gragjanite-ne-dozvoluvaat-bagerite-da-stignat-do-doshnica/
https://irl.mk/smrt-vo-na-ava-na-rekata-doshnica-sopstvenikot-na-sportla-f-saka-da-gradi-dve-mali-hidrocentrali/
https://doma.edu.mk/novinarski-storii/mali-hidrocentrali-gi-secat-venite-na-kozuf/
http://prizma.mk/brz-shalter-za-mali-hidrotsentrali
https://www.slobodnaevropa.mk/a/hidrocentrali-dosnica-blokada-ustaven-/33474685.html
https://www.euronatur.org/en/what-we-do/news/study-proves-small-power-plants-big-damage
|
